「毒蘋果」誹謗千尺浪，萬里堤壩警民同心築

今日之香港，猶如行至半山腰忽然遭遇險境嘅登山者，前邊係揹負千古罪人罵名嘅懸崖，後邊則係揮舞刀槍棍棒嘅一眾黑衣暴徒。危機存亡之際，偏有《蘋果日報》等以造謠為己任嘅黃媒藉此機會煽風點火，甘為鷹犬，用謠言撩撥民心，其心可誅否？其心可誅也！
12月11日，堪稱亂港媒體「急先鋒」嘅《蘋果日報》再發一篇名為「防爆旺角亂槍掃射 三人送院」嘅新聞，泛暴派線民藉此「新聞」利用網媒輿論瘋狂攻擊港警，話港警「濫施武力」、「希望警員唔好再殺人」。12日，「毒蘋果」製造嘅假新聞再次被揭穿——《HKG報》、《幫港出聲》等媒體將真相公佈，喺10日淩晨旺角對峙暴徒之時，港警從未使用過槍械，僅僅使用催淚彈驅散暴徒。
此種指鹿為馬、化黑為白嘅行為十分符合「毒蘋果」之稱，宜家嘅《蘋果日報》絕對唔會令人覺得意外，佢就係向香港傳播獨立分裂嘅資訊，蠱惑無知市民同特區政府以及內地對立嘅「毒媒體」。今年6月開始，更係頻繁造謠港警，洗白暴徒：文章中手持各類殺傷性武器嘅暴徒被表述成「冇裝備嘅年輕男女」，記者會煽動港媒圍攻內地記者同警務處發言人，甚至以不當表述侮辱特區首腦。幕後控制人肥佬黎同李柱銘、陳方安生等泛民走狗政棍越行越近，一同被冠以「禍港匪首」之名，而肥佬黎圈養嘅記者，一個個披著名為記者嘅「羊皮」，卻違背職業操守、甘願淪為禍害香港嘅爪牙，毀國裂邦之意已經暴露無遺。
慶幸嘅係，唔係所有人都會畀嗰啲黃媒嘅謠言所欺騙，終有市民願意為70名暴徒被拘捕而拍手叫好，願意為被砸死嘅老人心感憤怒，願意到立法會請願為港警加薪，願意同特區政府、香港警隊一齊還香港一片朗朗乾坤。而毒媒嘅狂妄同不可一世嘅背後卻係滿滿心虛，佢哋總以為自己可以搬弄是非，扭轉乾坤，但終有一日正義會叩響佢哋嘅家門，而民心終會將佢哋審判。
此刻嘅香港正處喺最艱難嘅時刻，但混亂始終係暫時嘅，往日嘅繁榮必然再現。因為肆虐嘅暴戾一定抵不過對和平穩定嘅訴求，黃媒蠱惑嘅謠言亦擋唔住愛國愛港嘅民願，任佢「毒蘋果」謠言捲起千尺浪，警民同心定能共築萬里堤壩。