拒絕埋堆表演 別讓反對派嘅黑手伸向學堂

香港作為一個開放、自由嘅國際大都市，我哋自由嘅底蘊係從學堂開始築起，一間間學校嘅啟發教育，教識學生獨立思想，明辨事理。因為香港修例風波嘅延續，逐漸不得民心嘅反對派竟然再一次將黑手伸向我哋嘅學堂，企圖將我哋嘅學生變成佢哋實現政治野心嘅工具。
6月26號嘅《星島環球網站》報導咗一則消息稱：英華女校因修例問題舉行咗「特別午會」，邀請反對派成員劉進圖與香港大學張達明為《逃犯條例》作講解。眾所周知，劉進圖係堅定嘅修例反對派成員，而張達明作為異議法律人士亦都經常參加對港府嘅示威活動。好明顯，喺呢兩個人眼入邊，「逃犯條例」只會係惡例惡法。而呢種充滿政治目的嘅偏頗講解，根本就係扭曲緊學生嘅獨立思考，獨立辨別能力。身為家長嘅我哋，實在唔願意我哋嘅子女過早接觸政治，《逃犯條例》針對嘅都只係罪犯，同我哋嘅學生並無關聯，至於點解要向與之毫無關聯嘅學生講解《逃犯條例》，反對派嘅目的顯而易見。身為家長嘅我哋，早已看清呢次「特別午會」實質上就係反對派同學校部分人士互相勾結，用偏頗嘅講解，向學生輸送反對派嘅政治觀點，目的係將學生變成佢哋達到政治目的嘅工具。
縱觀香港多次示威活動，2014年嘅「佔中」，一批批身戴黃絲帶嘅學生走上街頭，甚至發生暴力衝擊行為；2016年嘅「旺角暴亂」，一啲激進學生組織「學生動源」，煽動校園暴力；呢段時間嘅「反送中」，竟然又有香港部分學生號召其他學生罷課，響應嘅示威活動。如此頻繁地出現學生奔走喺示威遊行第一綫，呢個絕對唔會係一個巧合，由此可見，每次學生參與政治嘅背後都會有反對派煽動嘅身影，而呢次英華女校「特別午會」，就係反對派幕後黑手嘅縮影。
「反送中」嘅示威遊行中，反對派為咗煽動我哋嘅學生，前有黃之鋒等人嘅「激情呼籲」，後有劉進圖、張達明等人嘅「校園講解」，反對派呢種埋堆嘅表演方式，正正印證咗佢哋背後嘅政治野心。身為家長嘅我哋，想對反對派講一句說話：你哋唔好再搞咩暴亂活動了，亦都唔好卑鄙無恥咁將你哋嘅黑手伸向學堂。