岳母見女婿,口水爹爹渧......搵返嚟嘅街市回憶30句,句句經典

地上執到寶，問天問地攞唔到

大笨象,揸支槍,去打仗,打完仗,翻來食碗辣椒醬,辣死大笨象

小明放督屁,臭天又臭地,臭到義大利.臭到義大利D人都無定企

肥佬肥騰騰，買舊豬肉去拜神，行下行下屎忽痕，飛上天去打敵人，打到條褲變左條裙。

跟人尾，食人屁，做人妹仔放臭屁。

醜醜丑，丑甩耳仔送燒酒。

千金小姐萬金油，請你嫁個湖南頭！

岳母見女婿！口水爹爹渧

話卑老師知,話你偷荔枝,荔支未熟,話你中毒,醫生話你無得醫~話你變殭屍~~~

打開蚊帳，打開蚊帳，有隻蚊，有隻蚊，快啲攞把扇嚟，快啲攞把扇嚟，拍走佢，拍走佢。   

1234567，肥婆跳舞跳第一 跳得高，褲頭邋，跳得矮，唔好睇

食野唔做野，做野打爛野

落雨大水浸街，阿媽擔柴上街賣...(賣得幾多錢呀)

氹氹轉，菊花圓，阿媽叫我睇龍船，我吾睇睇雞仔，雞仔大捉去賣...(賣得幾多錢呀)

河邊有隻羊，河邊有隻象，河邊有隻馬騮仔，好似你咁樣！   

邊個話我傻傻傻.我請佢食燒鵝.

餐餐食豬骨,好過卑人屈

嘰嘰喳喳食蔗渣

菊花菊花問你幾時開花，聽日唔開後日開朵大菊花~~

天馬流星拳,送你入黃泉,廬山升龍霸,你個瓜窿大爆炸
(補:星雲鎖鏈,打到你唔記得拉褲鏈,哈哈........)

牛公蒸雞,蒸左自己雞,走出天街棟高籮柚曬,曬到爛曬,無葯賣

啊媽話稍牙好，稍牙點解好，稍牙可以刨西瓜，落雨可以遮下趴，飲茶可以隔茶渣，仆街可以產泥沙，劈油 可以擋兩下！

樣衰衰,比狗追

握握手，做個好朋友！

著鞋吾著襪，打出大碌七

大姑丈，撞埋牆，大姑母，水瓜布，

男人頭,女屎忽,揸支紅旗認第一~~~

米出米入，入親無眼核

小明為咗愛情,沖入電視城,殺咗郭富城,食咗ABCD感冒靈,愛上咗陳松玲

服嗮，搵咗咁多，好多醒唔起啦。

經典之句！頂一個

唔好意思，有一句要改正少少：

__氹氹轉，菊花圓，炒米餅，糯米圓，阿媽叫我睇龍船，我吾睇睇雞仔，雞仔大捉去賣
...(賣得幾多錢呀)

好多都未聽過喔

捧下大佬場先。
茅廁點燈--找屎(死)
成吉思汗打仔--大汗耷細汗
阿茂整餅--無嗰樣整嗰樣
水瓜打狗--唔見咁桷
年三十晚謝灶--好做唔做
灶頭抹布--咸濕
灶君上天--有嗰句講嗰句
壽星公弔頸--嫌命長
陳年中草藥--發爛渣
灶君跌落鑊--精（蒸）神
阿崩叫狗--越叫越走
阿崩養貓--轉性
賣魚佬--有聲（腥)氣
賣鯇魚尾--搭嘴
細佬哥剃頭--就快就快
肥佬著笠衫--幾大就幾大
神台貓屎--神憎鬼厭
南無佬跌落糞坑--無曬符
屎忽窟生瘡--無眼睇
鹹蛋滾湯--心都實曬
瓦檐獅子--叻到滿
跪地餵豬母--睇錢份上
床下底破柴--撞曬大板
老婆擔遮--陰功（公）
投石落屎坑--激起公憤（恭糞）
火燒豬頭--熟口熟面
天堂尿壺--全神貫注
老公潑扇--凄（妻）涼
撒路溪錢--吸引死人
黃皮樹了哥--唔熟唔食

你地後生仔，真係好野。拾個有九個我都未聽過。

回復 世外閑人 2樓 的帖子

其實剩係得十幾隻係細個個陣成日唱.........

好似:

地上執到寶，問天問地攞唔到

大笨象,揸支槍,去打仗,打完仗,翻來食碗辣椒醬,辣死大笨象

小明放督屁,臭天又臭地,臭到義大利.臭到義大利D人都無定企

肥佬肥騰騰，買舊豬肉去拜神，行下行下屎忽痕，飛上天去打敵人，打到條褲變左條裙。

醜醜丑，丑甩耳仔送燒酒。

岳母見女婿！口水爹爹渧

打開蚊帳，打開蚊帳，有隻蚊，有隻蚊，快啲攞把扇嚟，快啲攞把扇嚟，拍走佢，拍走佢。   

1234567，肥婆跳舞跳第一 跳得高，褲頭邋，跳得矮，唔好睇

食野唔做野，做野打爛野

落雨大水浸街，阿媽擔柴上街賣...(賣得幾多錢呀)

氹氹轉，菊花圓，阿媽叫我睇龍船，我吾睇睇雞仔，雞仔大捉去賣...(賣得幾多錢呀)

河邊有隻羊，河邊有隻象，河邊有隻馬騮仔，好似你咁樣！   

邊個話我傻傻傻.我請佢食燒鵝.

啊媽話稍牙好，稍牙點解好，稍牙可以刨西瓜，落雨可以遮下趴，飲茶可以隔茶渣，仆街可以產泥沙，劈油 可以擋兩下！

握握手，做個好朋友！

著鞋吾著襪，打出大碌七

男人頭,女屎忽,揸支紅旗認第一~~~
......

回復 Djogchen 3樓 的帖子

大佬好眼力.....勁!

回復 打狗棒 4樓 的帖子

呵呵,如果超過一半未聽過,可能有兩種可能:
1.你唔係廣東人....車大炮話係廣東人
2.你唔係廣東人.....但BB仔時巳離開,去佐做金山客

回復 坐看雲起時 5樓 的帖子

好野!!服字一個!

犀利!!勁字又一個!

最緊要係唔好唔熟唔食.........哈哈

回復 來美六十年 6樓 的帖子

前輩,見笑啦.........

我地細露哥寫黎玩下啫......

還有一首歌仔
排排坐，吃粉果，豬拉柴，狗點火。
貓兒擔凳姑婆坐，坐爛屎佛未賴我。

大佬畀面，陸續有嚟:
亞聾送殯--唔聽你支死人笛
濕水棉花--冇得彈
狗上瓦桁--有條路
十月芥菜--起曬心
肥婆坐屎塔--TUP TUP 撼
紙紮下巴--口輕輕
屎坑關刀--文（聞）又唔得，武（舞）又唔得
鼎湖上素--好齋
火燒旗杆--長嘆（炭）
飛機打交--高斗
海底石斑--好瘀（魚）
雞乸食咗放光蟲--心知肚明
山草藥--噏得就噏
番鬼佬月餅--悶極（moon cake）
非洲和尚--乞（黑）人憎（僧)
潮州佬拉二胡--自己顧自己（gegegugege)
斷柄鋤頭--無揸拿
貓兒洗面--係咁意
棺材鋪拜神--想人死
蒸生瓜--神神地
阿蘭嫁阿瑞--累（類）斗累（類）
無耳藤喼--靠托
神仙放屁--不同凡響
生蟲拐杖--靠唔住
番薯跌落灶--該煨
和尚擔遮--無法（發）無天
單眼仔睇老婆--眼睇哂
水兵對水手--水斗水
周身刀--冇張利
隔年通勝--唔值錢
幡桿燈籠--照遠唔照近
三元宮土地--錫（愛惜）身

回復 來美六十年 12樓 的帖子

哈哈.......

前輩終於記返起支歌仔啦........

可以返老還童架

回復 坐看雲起時 13樓 的帖子

純廣州歇後語......

日常講野成日用........

老友你係:神仙放屁--不同凡響

回復 格物便是致知 7樓 的帖子

邊個話我傻傻傻.我請佢食燒鵝.

呢句話好出奇，比人話傻，重請人食燒鵝，真夠傻喇。

回復 坐看雲起時 13樓 的帖子

你重犀利，句句都係時時聽到嘅
真係：濕水棉花--冇得彈。

回復 世外閑人 17樓 的帖子

乜敢誇呀,搞到我飄下飄下.........呵呵

瞓曬身去搵......
年晚煎堆--人有我有
番薯跌落灶--該煨
隔年通勝--唔值錢
十月蔗頭--甜到尾
雷公劈豆腐--專揀軟嘅蝦
陸文庭睇相--唔衰螺黎衰
魚片粥--啱啱熟
火麒麟--周身癮
生蟲拐杖--靠唔住
阿超著褲--焗住嚟
飛機火燭--銷魂（燒雲）
賣布唔帶尺--存心不良（量）
羅漢請觀音--人多好擔當
金手指--督人背脊
肥佬著笠衫--幾大就幾大
狗仔坐轎--不識抬舉
韭菜命--一長就割
神台桔--陰乾
毒蛇噴豬籠--曬氣
玻璃眼鏡--假精（晶）
城頭上跑馬--一味兜圈
電燈杉--指天督地
屎坑三姑--易請難送
冇耳茶煲--凈系得把口
田雞過河--各（咯）顧各
人之初--口多多（童言無忌，口不擇言)
笑騎騎--放毒蛇（笑裡藏刀也)

回復 坐看雲起時 19樓 的帖子

敢多你都知..........西飛利,服你啦