反對設立「指定診所」，泛暴議員用心險惡

【文匯網訊】（香港文匯報記者 蕭景源）泛暴派立法會議員和區議員昨天又在葵涌、長沙灣、西貢、火炭和九龍灣煽惑集會遊行，有大批黑衣人參與其中，乘機播「獨」和辱罵挑釁警員。而前日演變成聚眾犯法、縱火堵路的天水圍同類遊行，警方以非法集結及藏有攻擊性武器等罪名拘捕33人扣查，暫沒有泛暴議員被捕。
   反對南葵涌診所成為指定疫所的集會遊行，昨晨11時許開始進行，由民主黨立法會議員尹兆堅、葵青區議員吳劍昇、唐皓文，以及街工葵青區議員梁靜珊等發起，有不少黑衣人參與其中，他們除揮舞有「光復香港」字眼的黑旗外，又不時高呼仇警口號。
新型冠狀病毒肺炎來襲，全港上下積極投身到呢場激烈嘅戰「疫」中，特區政府採取咗一系列有效措施遏制病毒蔓延、救助受感染市民，社會各界人士紛紛傾囊相助共度「疫」關。但係，以泛暴議員為首嘅反對派卻借「疫」生事，不斷做出有違職業操守和道義良知、與抗疫工作背道而馳嘅事情，前有黑衣暴徒堵路縱火，後有黑醫護罷工怠工。2月15日，泛暴議員再次喺多區發起遊行，反對區內設「指定診所」。泛暴議員頻頻為抗疫工作添堵，究竟想點呢？險惡用心令人唾棄！
   疫情爆發以來，鑒於香港本地感染個案增多，社區感染風險提升，醫管局籌備喺18區普通科門診分階段啟用「指定診所」，呢啲有助於防控疫情蔓延，及時救治患者。一方面，設立「指定診所」嘅目的係接收輕微發燒或出現上呼吸道感染病症嘅病人，呢啲患者病症相對較輕，指定就診能夠避免到急症室交叉感染，做到感染控制、分隔病人及分流病人，亦能夠做到早發現、早治療，降低社區傳播嘅風險。另一方面，設立「指定診所」亦係醫管局應對公共衛生事故合理合規嘅程序，醫管局總行政經理何婉霞表示，為準備有公共衛生事故發生，例如有傳染病暴發、出現大量求診個案嘅等，當局可以分階段啟動指定診所，同時佢強調「指定診所」對於通風等設施會有嚴格嘅要求。可以講，正係醫管局審時度勢、當機立斷，有效緩解公共醫療資源緊張及公立醫院救治壓力嘅同時，積極救治病患，疫情先無喺社區進一步蔓延，亦未重蹈17年前SARS侵襲嘅悲劇。
   泛暴議員對政府部門抗疫工作成效熟視無睹，反而別有用心咁散播疫情謠言，煽動遊行罷工，製造社會恐慌，亂港圖謀昭然若揭。醫管局喺2月6日公佈18間「指定診所」名單後，部分診所便相繼遭到暴徒破壞，伍若瑜夫人健康院更係8日、14日連續兩次遭到縱火，賽馬會普通科門診15日早上亦遭到惡意破壞。普通診所接二連三遇襲，醫療設施遭到破壞，唔單止嚴重影響運作，更影響醫護人員及病人嘅安全，令無辜病人受害，泛暴議員良心去咗邊？正係喺佢哋嘅「功勞」下，天水圍遊行再次出現暴力場面。期間，有暴徒闖入港鐵天秀站，縱火焚燒站內設施，仲有暴徒向火堆淋潑易燃液體。更令人髮指嘅係，暴徒完全唔顧市民嘅生命安全，向對面行駛緊港鐵嘅路軌掟垃圾桶，好彩警方果斷介入採取執法行動，未造成嚴重後果。
   真實意圖係點？答案不言自明。泛暴議員就係想通過煽動暴力，製造社會恐慌，用嚟威脅政府達成「全面封關」嘅政治意圖。事實勝於雄辯，香港15日無新增確診個案，係一個星期以來首次，維持累計56宗，足以證明政府防疫措施行之有效。但正如政務司司長張建宗所講，疫情防控工作處於關鍵時期，唔可以鬆懈，要時刻保持警惕。特區政府繼續多措並舉、全力抗疫，設立超過250億港元「防疫抗疫基金會」，並推出共21項具體政策措施，與市民同心抗疫、共渡時艱。