派口罩混亂腰斬 吳卓燁回應不滿者：未來唔好投我票

【明報專訊】唔少區議員近日四齣蒐羅口罩派畀街坊，但僧多粥少，有區議員派口罩時引起混亂被批評。東區區議員吳卓燁前日喺區內派口罩，但被指安排不善，令一眾街坊要好似賽跑咁飛奔去排隊，有老人家因此整親；最後更因場面混亂而腰斬唔派口罩。吳卓燁喺facebook致歉，但好有霸氣咁反駁不滿者，話如果有街坊不滿，未來「千萬唔好投我一票」，亦叫不滿佢嘅人要有骨氣，唔好拎佢派嘅嘢，去建制派政黨攞。
為安排不周向街坊致歉
叫不滿者去建制派政黨攞
建制派成立嘅「議會監察」上載一段街坊飛奔去排隊拎口罩嘅片段，片中見到至少百幾個街坊衝去排隊，當中仲有老人家，險象環生。「議會監察」形容吳卓燁「發市民脾氣」，嘲笑吳搞咗個「搶口罩賽跑大賽」，但唔夠人手維持秩序，市民跑完才突然決定話唔派口罩，搞到街坊不滿。
街坊批評佢唔一早講喺邊度派
吳卓燁喺fb為安排不周向街坊致歉，但佢隨即為自己辯護，好有霸氣咁回應對佢嘅質疑。對於有人批評佢懶神秘、唔一早講喺邊度派，吳回應話係為咗避免街坊長時間排隊輪候，「對於街坊話『懶神秘，做show博出位』之類，本人表示非常遺憾」。佢話會考慮用其他方式派口罩畀有需要嘅街坊。

吳卓燁霸氣發市民脾氣反駁...「千萬唔好投我一票」...你吹得佢脹咩？
要有骨氣，唔好拎佢派嘅嘢，去建制派政黨攞...泛民區議員上任第一件事係政治行先...問責警暴鄧炳強...而唔係討論抗疫...
要捱三年零八個月...先可以再投票...

新聞來源連結:
https://news.mingpao.com/pns/%e6 ... 00002/1581014435600