「速龍」平暴治亂 「美隊」束手就擒

暴民無恥造事端，港警正義安元朗。一齣正義同反派嘅對決，喺7月27號嘅元朗上演。黑衣示威者聚集元朗，借遊玩、購物等不實之名，企圖擾亂、破壞元朗地區嘅和平安定。港警喺勸阻、警告無效嘅情況下，果斷出擊，制服多名亂港份子，維護咗執法者嘅威嚴同正義。
追本溯源，要從7月21號元朗事件講起，黑衣遊行人士嘅亂港行為嚴重影響咗元朗居民嘅安定生活，所以啲元朗居民憤憤而起阻止黑衣人進入元朗地區，反而遭遇啲黑衣暴民嘅挑釁攻擊，最後雙方發生肢體衝突。自此之後，暴民頻頻策劃亂港活動，聲稱要報復元朗居民，仲炒作元朗居民嘅行為係「恐怖襲擊」，指責元朗警方不作為並誣蔑佢哋係「官黑勾結」，以至於後來黑衣暴民做出7月23號破壞何君堯祖墳、7月24號阻撓港鐵發車、7月26號機場集會等等行為，而後來又策劃7月27號「光復元朗」行動。
喪盡天良、滅絕人性嘅壞事醜事做盡，暴民仍然唔肯善罷甘休，佢哋視正義、法治於無物，就連接到警方反對聚集遊行嘅通知後，仲要一意孤行擅闖元朗，咁樣點可以唔失敗？所謂「得道多助失道寡助」，呢個道理喺呢次元朗遊行嘅暴民身上應驗。7月27號上午，黑衣人士來勢洶洶，身披「戰甲」，戴曬頭盔口罩，甚至乎仲有人效仿美國隊長手持盾牌，畀人一種「不破樓蘭終不還」嘅決心。但正係咁樣，同古代衛國將士相比顯得更加諷刺，呢班人表面猶如豺狼一樣兇狠，但實際上又似小丑一樣搞笑。計謀得逞就大放厥詞，行動失利就好似癲狗咁樣亂咬亂吠，仲有亂港份子走到鬼佬面前哭訴，意圖尋求外國勢力嘅進一步支持同幫助，點知咁樣嘅跟尾狗形象反而更令人覺得可笑。
再一再二冇再三，先前港警嘅隱忍與良知反而換嚟暴民嘅得寸進尺、變本加厲。一直相信，港警係維護香港各地區和平穩定嘅一把利刃，刀未出鞘只不過係畀啲無知人士多一啲改過自新嘅機會，當邪惡蔓延無休止嘅時候，刀鋒必亮！暴民嘅尖頭傘、碎玻璃冇畀警方留低一啲餘地，但警方嘅嚴正執法依然按規矩進行，佢哋仲係喺以橡膠子彈、催淚彈等非致命性武器攻擊之前先行警告。忍無可忍無需再忍，當晚10點幾，警方終於出動「速龍小隊」，突進元朗西鐵站，制止黑衣暴民嘅暴力衝擊行為，就連「美國隊長」都抱頭踡縮，猥瑣姿態同嚟裹時嘅霸氣形成鮮明對比。
即使正義嘅到嚟係遲咗啲，但係破除邪惡亦係必然！就係因為罪惡喺度蔓延，正義先應該得到聲張！一場有識之士同亂港份子嘅鬥爭，一場正與邪嘅較量，必然會以亂港份子落敗而畫上句號，我哋所熱愛嘅香港亦將重返光明，大家拭目以待吧！