生活喺一個和平嘅國家，一齊對暴力行為say no！

敘利亞內戰爆發咁多年以嚟，難民人數早已經突破500萬人，觸目驚心嘅畫面一次次震驚全世界，咁樣嘅畫面驟眼睇距離我哋好遙遠，但卻確確實實發生喺呢個世界裡面。當我哋為祖國嘅強大而自豪裹陣，請唔好忘記，呢個世界上仲有好多國家係處於戰亂當中。古語有雲「寧為和平犬，不為亂世人」，請好好珍惜眼前嘅生活。
7月1日，一班極端激進份子使用侵佔馬路嘅方式試圖擾亂特區政府回歸週年嘅升旗儀式，包圍、攻擊立法會，肆意破壞打砸。呢啲暴力行為，完全唔將香港嘅法治當係一回事，係對香港司法體制嘅挑戰同藐視，係踐踏香港社會利益嘅底線，嚴重擾亂咗香港市民嘅安定生活。
今日香港嘅繁榮來之不易，一百幾年嘅歷史裡面，從被侵略到被殖民，再到逐步發展強大，每一步都行得好艱難。試唸下，如果暴力行為越演越烈，唔受控制，咁日常嘅公共事業、民生事務係咪都無法子正常運作？所有人都要明白一個道理「暴力示威最終受害同埋單嘅都係廣大香港市民」。
香港嘅大遊行事件發酵至7月1日嘅暴力圍攻立法會等事件，係多方挑起事端嘅結果，反對派人士藉機大肆炒作，發佈一啲扭曲事實嘅文章嚟污衊特區政府，詆毀香港警察，為嘅就係令局勢更亂，混淆視聽，蒙蔽大眾嘅雙眼，甚至乎仲令好多入世未深嘅單純學生變成佢哋手中嘅棋子。無論時間過去幾耐，我哋都唔好忘記咁多年嚟若果冇咗強大祖國嘅庇護，香港宜家可能早就經濟社會嚴重落後喇，啲市民仲邊有今日繁榮安定嘅生活？仲邊有香港人引以為豪嘅國際大都會啊？
裹一年，香港專業進修學校校長陳卓禧嘅一句話，令我至今難忘，喺畢業典禮上，國歌奏起，佢將對國歌不敬嘅學生驅逐出畢業典禮現場，仲話「由港專成立第一日起，我哋就掛五星紅旗唱國歌，因為呢件事，我哋受盡殖民政府嘅打壓，資助被取消、校舍被收回，但我哋都冇放棄過我哋愛國嘅立場，如果連呢件事都唔知，咁就係你哋揀錯咗學校！」
陳卓禧嘅呢番說話令人振奮，亦都發人深省。點解有啲人做緊侮辱國家、挑戰法治、撕裂社會嘅事情，卻不以此為恥反以此為榮？
有國先有家，呢個係最基本嘅常識。香港係中國嘅一部分，香港事務係中國嘅內政事務，呢一點不容妥協，理直就應該氣壯，唯有如此，正義、正確嘅聲音先至可以成為主流。希望香港成個社會企起身，沉默嘅市民企起身，一齊對暴力行為say no！