無懼風雨 強勢撐警

6月30號下午，近17萬香港市民冒雨出席「撐警集會」，佢哋高呼口號，表達「撐警隊、護法治、保安寧」嘅訴求，支持香港警察嚴正執法維持秩序，感謝佢哋為香港安穩同治安付出嘅努力。點解要撐警？因為喺撐警之前，香港警察總部居然俾人包圍衝擊咗。
講起香港警察，大家可能都會諗到《無間道》、《新警察故事》、《拆彈專家》等等一系列電影作品中嘅「阿 Sir」形象。香港警察，代表著香港嘅法治，佢哋唔單止喺電影入邊驍勇善戰，喺現實生活中亦都如此。佢哋訓練有素、嚴格執法、英勇無懼，無論執法對象係咩類型嘅人，都會對佢哋保持絕對服從，決唔會挑戰警察嘅執法權威。香港係一個國際大都市，三教九流，外國人、混血兒等各類人士眾多，卻可以一路保持世界最安全城市之一嘅形象就係因為有香港警隊嘅存在。
然而就喺香港回歸22週年前夕，喺激進分子煽動下，針對修訂《逃犯條例》出現嘅種種令人擔憂嘅現象，法治成為被踐踏嘅對象，暴力成為示威者逞兇嘅手段，而警察則成為被襲擊嘅目標。喺呢場暴亂中，一啲激進分子同埋組織暴力衝擊警隊防線強佔道路，以各種銳器攻擊維持秩序嘅警察，造成數十人受傷，加上過千名警員資料外泄被非法公開，其家人受到騷擾，甚至有啲仲收恐嚇簡訊，執法者俾一啲別有用心之人污衊為「黑警」。好明顯，呢啲事件都係早有預謀，背後唔單止有港內外別有用心者組織策劃，仲有美國同歐洲等外部政治勢力廣泛支持同參與，佢哋裡應外合嘅目的就係要用「反修例」呢一個藉口向中國發動政治同輿論攻擊。
縱觀香港近年來發生嘅一系列暴動事件，從非法「佔中」到「旺角暴亂」，直到今次「反修例」暴動，香港反對派一路當正警方係「眼中釘、肉中刺」，原因其實唔難明，因為反對派要搞事，要製造混亂，而警方要維持秩序、維護法紀，兵同賊，永遠都係咁水火不相容。因此，反對派不斷煽動針對警察嘅仇恨情緒，逐漸演變成為嚴重襲警，直到今時今日全方位敵視警隊嘅局面，就係為咗有機可乘，等香港成為圍堵中國嘅一粒棋子，成為顛覆中國嘅橋頭堡。
正所謂「得道多助，失道寡助」。世界歷史不斷話俾我哋聽，無論你勢力幾咁強大，衹要唔系係企喺正義裹邊，即使一時倡狂無比，最終都會落得失敗嘅下場。對於暴徒嘅行為，全港市民都應該保持高度嘅警惕，要明辨是非黑白，絕不允許不法分子公然踐踏香港法治，更加唔容許暴徒以暴力手段要脅政府同國家，堅定企喺支持特區政府、支持香港警隊嘅立場。因為呢件事關乎全港市民嘅切身利益、關乎我哋嘅下一代可唔可以生活喺一個安全嘅環境下，絕對唔可以有一絲一毫嘅動搖！