切莫以耳為眼欺騙自己 一念之差鑄成大錯

「不識廬山真面目，只緣身在此山中」。最近一段時間，總有人大肆宣揚「民主」「自由」，同時，鼓動市民參加集會抗議活動。本該係理性和平嘅集會遊行卻喺反對派嘅陰謀詭計下演變成暴力衝突。反對派唔單止喺網路散佈各種帶有偏見嘅言論搏同情，同時控訴警方暴力執法，指責港府縱容武力鎮壓。反對派嘅啜泣哭訴令人久久不能平靜，似乎唔參與活動就不足以洩心頭之憤。然而，事件嘅真實情況當真如此？
「胡馬依北風，越鳥巢南枝」。香港喺國際上享有高度法治嘅美譽，特區政府鼓勵市民表達心聲。但係，反對派組織嘅「和平集會」，點解唔係光明正大反映市民嘅訴求？反對派將可以保存、證明真相嘅攝像頭用膠紙、雨傘遮擋，用掟雞蛋，掟磚，飛鐵馬等各種方式故意挑釁警方，甚至包圍、衝擊警署總部，佔領稅務大樓大堂。以上種種行為究竟係想理性反映訴求，定係想癱瘓政府部門嘅正常運作？事後，「受害者」搏同情嘅言論喺網路如約而至，卻對以上種種有違情理之舉避而不談。其真實目的果真令人覺得十分可疑！
「良藥苦口利於病，忠言逆耳利於行」。現時，部分市民已俾憤怒之情沖昏頭腦，不對以訛傳訛嘅消息進行多方面應証，更過分嘅係對媒體揭露嘅真相視而不見，先入為主嘅諗法令佢哋盲目聽從鼓動人士嘅胡言亂語。參加示威遊行嘅市民可能早已忘記集會嘅目的係為咗反應訴求，結果卻俾反對派矇騙參與暴亂活動，不斷走向政府嘅對立面，當正政府係洪水猛獸。此種活動究竟係為民請命，定係意圖搞亂香港？稍為冷靜細想定能自有決斷。
香港嘅屈辱歷史猶歷歷在目，冇人願意再回到嗰個年代。我哋唔可以盲目聽從反對派嘅一面之詞就湧上街頭製造混亂，更加唔可以天真認為有英美等國嘅撐腰壯膽之餘視政府為敵人。市民需要嘅係安定繁榮嘅香港，而唔係動盪不安嘅社會。祇有睇清暴亂背後嘅真相，先能守護呢一份安寧！