前車之覆可鑒 港民萬望警醒

6月17日，美國總統特朗普喺白宮橢圓形辦公室接受《時代雜誌》專訪時，明確指出香港發生嘅事情係中國事務，相信佢哋可以自己解決。咁就無疑畀啲心存幻想、恣意妄為嘅亂港者打咗一巴掌。靜思成個反修例遊行衝擊事件，世界各地『顏色革命』中嘅手段都已悉數齊備，司馬昭之心路人皆知。
外國政要，搏命係度製造聲勢。美國國務卿蓬佩奧會見反對派後，美國國務院馬上就發表咗聲明，對《逃犯條例》修訂表示關切。美國眾議院議長佩洛西都表示對反對派嘅立場態度『正面』。美國國會及行政當局中國委員會(CECC)主席麥戈文眾議員表示將重提《香港人權與民主法案》。隨著美國政要嘅密集發聲，聲勢浩大嘅反修例遊行應運而生。一干美國政要人士紛紛表示聲援，唔通佢哋真係為咗香港人著想？梗係唔係啦，哩啲就係推廣西方意識形態同地緣戰略爭奪嘅必然結果。局勢已經造成，美國總統特朗普先肯講出『香港發生嘅事情係中國事務』同『自己解決』等言論，冷眼旁觀、坐山觀虎鬥嘅意思十分明顯。
謠言漫天，做盡欺呃洗腦嘅事情。亂港者先係將遊行最高峰達到嘅34萬人誇大倍數，意圖營造聲勢。然後就造謠港警『開槍射擊』，將同警察發生衝突嘅暴徒美化成為手無搏雞之力嘅良好市民，極盡抹黑之事。港警傾盡全力維護秩序，避免咗人群互相踐踏，哩啲事情卻無乜人報道。但係大部分港人眼睛係雪亮嘅，例如香港資深時事評論員朱家健發文表態，支持同感激警隊係暴動中堅守崗位。
依靠網路，繼續煽動亂港。就喺反修例遊行事件逐漸平息嘅時候，20日下午5點幾，Telegram群組流傳出一份由『青年新政』、『18區聯合群組』等8個群組嘅『聯合群組聲明』，號召『6月21日早上7點幾一同參與並開展全面不合作運動』、『實行遍地開花、全民參與』，地點為立法會、特首辦、警察總部同禮賓府等地方。席捲東歐、北非嘅『顏色革命』、『茉莉花革命』中，網路嘅影響力就係佢鮮明嘅特點。同樣嘅配方，同樣嘅味道。
唐朝傑出詩人杜牧係千古絕唱《阿房宮賦》中指出『秦人不暇自哀，而後人哀之。後人哀之而不鑒之，亦示後人而復哀後人』。烏克蘭嘅分裂同中東好多國家嘅亂象係『顏色革命』嘅惡果，希望廣大嘅香港市民引以為鑒！睇清楚亂港者嘅真實目的，冷靜思考不盲從，切勿做出有愧於香港嘅決斷。