示威者無法無天 警察冷靜克制

6月21號，有部分反對派激進人士將示威行動升級，幾千個黑衣人包圍政府總部、稅務大樓、警察總部等政府機構，用鐵馬同雜物堵塞交通要道、向警察投擲雞蛋、到處損壞公物、遮攝像頭、監控設備，仲有人甚至用鐳射燈射警務人員嘅眼。香港反對派呢種行為，令到交通癱瘓，甚至令到警車、救護車都行唔到，嚴重擾亂社會正常秩序，損害公眾利益。
面對反對派嘅粗言穢語、惡意挑釁甚至暴力對待嘅行為，香港警隊始終恪盡職守、忍辱負重，盡最大努力維持現場秩序。雖然警方對示威都嘅行為冷靜、盡力容忍，但係示威者表達訴求嘅方式已經升級到既唔合法，又唔合情理嘅程度。呢次嘅暴動表明咗反對派已經由喺背後暗中搞事轉為光明正大無法無天就係要搞亂香港，依家係正係邪大部分人已經分唔清。維護法律尊嚴、守護社會公義嘅執法者居然喺度畀霸淩、攻擊。
示威者有表達意願同訴求嘅自由同權利，但係表達嘅前提係唔可以建立喺損害其他人利益嘅基礎上。香港每一位市民都依法享有公共交通、緊急服務、政府服務等權利同自由，但係依家等於我地嘅呢種權利同自由畀示威都佢地剝奪咗。雖然政府同警方到目前為止都默默忍受，對示威者極盡包容。但係我地唔可會容許香港變得無法無天，唔會容許香港嘅法治根基畀佢地肆無忌憚咁破壞，示威者嘅呢種肆意妄為，唔係喺度表達訴求，而係無視法治。
無論係遊行定係暴動，估計持續唔到好久，因為大家都要搵食，除非佢地背後嘅勢力養曬成班人，即使行動結束，呢件事嘅對錯一定會有人來討論。但係無論如何，都唔可以令到民主自由嘅追求變成破壞社會嘅藉口，如果連是非黑白都分唔清，做錯嘢唔使側門責，仲要得寸進尺，延續對抗行，一定會令到香港永無寧日，希望警方嚴厲打擊反對派嘅種種罪行。