香港隨時陷武鬥 依家移民來唔來得徹？

香港人一直都好斯文，不過依家班後生未挨過艱辛歲月，唔知搵食艱難，以為揭桿起義好威水。知唔知炸彈一響會死人架？你當差佬支槍唔識響咩！
你話阿爺唔俾你民主，民主呢家嘢都係你有你講，我有我講啫，邊有國際標準咁搞笑架。政治唔係蠱惑仔講數，下下想劈友解決問題？咁阿爺夠有幾百萬解放軍啦！
政改傾唔掂就想用武鬥嚇阿爺，其實嚇親係香港市民。你估阿爺會驚你咩？
97有移民潮，後來證明冇咁得人驚，好多人留底。不過如果班不知天高地厚後生仔想搞武裝暴動，我估香港就真係冇運行嘞。依家抓緊移民都怕趕唔徹。