香港唔再係香港，香港依舊係香港

一場反修例風波，令香港陷入前所未有嘅危機。過去四個月尤其係喺過去一個月發生嘅事，實在係令到愛護香港嘅市民感到痛心。痛心嘅係，香港發生咗多單大規模嘅暴力衝擊，以及社會出現嚴峻嘅對立形勢，更重要嘅係香港法治賴以維護、社會秩序賴以維繫、港人利益賴以保障嘅香港警隊，遭受咗前所未有嘅抹黑、攻擊與侮辱，情況已經到咗觸目驚心嘅地步。
香港警隊哩支履行職責，為香港市民拋熱血灑汗水嘅公正隊伍，唔單止遭受到亂港暴徒嘅人身攻擊，更有甚者將警員嘅個人身份及家庭背景於網路上公示，以此來報復警方執法、限制警方嘅權利、打擊警方嘅士氣。社會遭到嚴重撕裂，法治亦都因此受到嚴重破壞，而維護秩序嘅警察更成為咗血腥襲擊嘅對象，港人福祉危在旦夕。霎時間，東方之珠黯然失色，似乎唔再係果個東西文化交融、法治健全、繁榮有序嘅香港！
  但係，正義只會遲到，唔會缺席！終於有正義嘅香港市民挺身而出！繼前幾日，香港十幾個團體代表到警察總部聲援警方、慰問警員後，昨日十幾萬市民無懼惡劣天氣，齊聚曾經被暴徒肆虐過嘅金鐘政府總部之外，發出強大嘅「支持警隊」嘅呼聲。佢哋當中冇人戴口罩，全部以真面目示人！同反修例中滿街嘅「口罩黨」與「黑衣幫」形成鮮明對比。而哩一個正義嘅舉動，唔單止係民意對全體警員嘅支持與鼓勵，更係對反修例暴徒嘅憤怒與譴責，亦係對儘快恢復香港社會秩序嘅強烈要求。
越係危急混亂關頭，就越應該保持理智，維護正義，哩一個唔單止係口號，更係關乎每個香港人嘅安全與和平幸福嘅生活。面對危難，香港警隊冇退縮，對於挑釁攻擊，佢哋化憤怒為力量，迎難而上，因為佢哋相信身後仲有佢哋要保護嘅香港市民。對於香港市民，保持冷靜與理智，唔代表要保持沉默。香港警隊伍唔可以畀外國勢力繼續橫行，亦絕對唔可以任由亂港政客繼續挑撥，必須堅定維護警隊嘅尊嚴與士氣！支持警隊，就係支持香港人自己！630撐警集會又畀香港睇到咗希望！
只要正義在，香港依舊係果個香港！