廣府人的粵語

回復 jedi_xie 20樓 的帖子

都幾好，不過唔系純廣州話。

回復 越湖 22樓 的帖子

純廣州話確實很難找到了。

本來呢，各個地方嘅方言都有佢哋自己嘅特色，就好似各個地方嘅飲食習慣都有佢哋自己嘅特色咁樣。江蘇人飲茶，係用大玻璃杯，放入茶葉(佢哋多數飲青茶)，用暖水壼嘅水沖落去就搞豎，咁就叫"泡茶"，你去到杭州用虎跑水泡龍井，都係咁做，去到無錫用惠山泉泡珠茶，同樣都係咁。之不過潮州佬就要木炭爐煲水洗茶壺茶杯茶葉，用烏龍或者係鐵觀音，蝦眼水沖茶，咁就叫做功夫茶。日本仔就將啲茶葉磨碎成茶粉，加埋啲炒米，雙手捧住跪喺度飲，咁就叫茶道。湖南人食飯，個飯碗仲大過廣州人嘅湯碗，對筷子成尺幾兩尺長，佢哋話咁嘅長筷大碗至夠豪氣。去到內蒙古，如果係蒙族嘅朋友請食飯，多數都係著蒙古袍蒙古靴，按正蒙族規矩唱埋祝酒詞灌到你打橫......
呢啲都係特色，都係習慣，冇乜謂之啱定唔啱，相反，如果夾硬嚟要"統一"，咁呢個世界就仲剩低一種顏色，一種味道。所有嘅人都唔使去玩，唔使去旅遊，唔使去食好嘢，唔使扮靚靚......，咁唔知做人仲有乜癮呢？
一個國家，有統一嘅文字同語言，方便國家嘅管理同各個唔同地方嘅溝通，呢個就確實必要。秦始皇之所以偉大，正因為佢實行車同軌書同文，但係秦始皇都冇話唔准講方言，起碼我冇睇到有咁嘅資料。
惗落都唔知係咪廣州嗰件正怯萎完幾可光，食飽無憂米想升棺，又冇乜治國安邦嘅好計，凈係識得搞埋曬啲無厘頭，真係阿茂餅鋪，冇嗰樣整嗰樣，如果呢種人唔返鄉下耕田，廣州仲會有更多嘅無厘頭，都唔到你唔驚。

一樹繁花 發表於 2010-12-3 06:44
回復 越湖 22樓 的帖子

純廣州話確實很難找到了。

絕對不難。