廣州西關係列之.........廣州話方言之"一蚊雞"

一蚊雞?

舊時(前十年八年)返廣州.....

係高弟街之類D大貨場,成日聽到:

全場一蚊，一蚊任揀，一件不留..........

一蚊＝一蚊雞＝一塊錢

任揀＝隨意選

普通話即係:全場貨物都是一塊錢，一塊錢隨意選，一件不留。



當你走在廣州的大街小巷，都會隱約聽到大大聲的"大聲公"有節奏甘播著上面的一句話，以表示"跳樓速銷"。

有時還特配上有音律的掌聲一起，絕對有高回頭率!

言歸正傳，今天講"一蚊雞",就係一元人民幣......  

粵語講的"一蚊雞"，後來可能廣州D後生仔,D肺活量唔夠，就叫成了"一蚊"。當然亦有"兩蚊雞、三蚊雞..."

講下"一蚊雞"嘅古仔先：

好耐以前嘅廣州，乃風花雪月,夜夜笙歌嘅大都市!

話說，當年花花公子每飲花酒，都邀一姑娘作伴。

當時，程序係這樣：公子先寫一張"花紙"，點名想約某青樓之某姑娘；
然後，請一酒摟伙記幫忙帶去青摟，某姑娘接到邀請，便應召。
而該伙記的跑腿費就是一蚊，而妓女亦稱為"雞"，
故，就有了"一雞"嘅叫法，也衍生出黎為"一雞",又叫"一雞士"戓"一雞嘢"，
最後就成為:"一蚊雞"。

下面係廣州話對1-10000元嘅俗稱:

1元： 一蚊、一蚊雞、一雞嘢

10元：一兜、一兜水

100元：一舊、一舊水

1000元：一支、一支嘢、一K

10000元：一皮、一皮嘢、一粒、一粒鬼


對於銀紙， 廣州人真係好有創意,好似講"暗語"架!

又逢五月端午節來臨，相信各位鄉里都會糉子、逛逛街子、使使銀子.........幾舊水可能唔夠呀





格物便是致知   2011,05,10

一千蚊仲有另一講法：一撇野

一蚊雞就聽過，其他D黑話就好少聽到，亦聯想唔到，唔通你係黑幫大佬？

回復 世外閑人 3樓 的帖子

一撇水......

英文翻譯是 one mosquito chicken.

回復 Djogchen 2樓 的帖子

個陣時,一撇野好巴閉架,有幾舊水放係銀包,多數你係去買部9寸黑白電視機

沒乜機會講一皮嘢

回復 世外閑人 3樓 的帖子

我有D懷疑你係唔係廣州妹釘

回復 坐看雲起時 4樓 的帖子

你而家一日一撇水......?

回復 三日入廚下 5樓 的帖子

one mosquito chicken

一隻蚊噉細嘅雞........

加拿大有很多「Dollar shop"，全部貨品都系一蚊雞，唔知美國有無？

回復 坐看雲起時 4樓 的帖子

咁即係幾多啊。

回復 格物便是致知 7樓 的帖子

哼，珍珠都冇咁真，係你D黑話都冇乜人講嘅。

Djogchen 發表於 2011-5-13 06:25
加拿大有很多「Dollar shop"，全部貨品都系一蚊雞，唔知美國有無？

西方國家都有啦,都拜中國超平人工所賜

世外閑人 發表於 2011-5-13 07:46
回復 格物便是致知 7樓 的帖子

哼，珍珠都冇咁真，係你D黑話都冇乜人講嘅。

戓者你係乖乖女,唔落街玩個只......

市井語言唔返幾句,點出黎行呀

回復 格物便是致知 14樓 的帖子

咁即係話唔具有普遍性啦。

回復 世外閑人 15樓 的帖子

應該幾普遍,記得係廣州時成講起銀紙都係噉講,特別係高弟亍D鋪頭,最流行

無意中看到這樣一則消息，覺得很發人深省：現在一元錢還能買什麼？
　　
　　2011年,一元在中國僅能上1-2次公廁，坐一次公交車。而在美國，1美元能買8包速食麵，10來個橙子，6個雞蛋，4卷衛生紙，4節5號電池，4支中性筆，1袋葵花籽和1把剪子和1把剪子。

回復 格物便是致知 17樓 的帖子

係真唔係真呀？
喺紐約，一蚊雞最多買兩包公仔麵，兩個橙，三個雞蛋(黃殼)，一卷半衛生紙，美國生產嘅五號電池一粒半......
二十年前一蚊雞都買唔到八包速食麵，十來個橙子，四卷衛生紙啦......

回復 格物便是致知 8樓 的帖子

咁咪即係一千蚊囉！

而家食餐飯都要幾條野，買架車都要幾盆水吧？