人妖顛倒是非淆 對敵慈悲對友刁

7月7日香港九龍遊行，反對派們打著和平遊行嘅旗號，堵塞交通、辱罵警察、喺規定遊行時間結束之後遲遲唔肯撤離，種種執迷不悟嘅行為令我痛心。真可以講係「人妖顛倒是非淆，對敵慈悲對友刁」。所有港民當哀今日香港之不幸，恨暴民之無知，怒港獨之狼心！
一個月以嚟，反對派嘅雙重標準令我覺得尤為可笑：民陣對犯下衝擊立法會並有違法行為嘅自己人請求大眾寬恕甚至強逼政府釋放，但卻要求嚴懲控制拘捕違法行為嘅警察，試問係唔係雙重標準？何韻詩等港獨明星，稱企出嚟撐警嘅譚詠麟、梁家輝等人「不了解情況」，自己卻對眾目睽睽之下嘅暴動行為避而不談，試問係唔係雙重標準？7日遊行，市民一邊用普通話高呼「沒有暴徒，祇有暴政」，唸住以此引起大陸遊客嘅關注，另一邊同時用廣東話大嗌「排華辱華」嘅宣言，並插起「黑紫荊」旗稱要獨立，稱大陸人搶走佢哋嘅飯碗和資源，要趕走大陸人，試問係唔係雙重標準？一邊伸手向大陸要優惠政策和援助，一邊卻拒絕任何政府合理嘅管理，天下邊有呢等好事？若果香港真由你哋咁樣一班雙重標準嘅人嚟制定法律，咁香港真係要玩完了！
觀九龍大遊行，一係覺得遊行者忠奸不分，是非不清，二係感激港警任勞任怨，規範執法。遊行隊伍將矛頭直指警察，近五百多名示威者喺法定遊行時間後仲逗留喺彌敦道和廣東道聚集，影響正常交通，高呼「黑警死全家」等口號，警察維護秩序嘅正當執法行為卻被扭曲為知法犯法，令人心寒；反觀香港警察，為維持遊行秩序，警隊一早就喺路線沿途做好防護措施，面對謾罵嘅遊行民眾始終保持冷靜和剋制，仲不時提醒、關心示威者要注意安全。外有人挑撥離間，內有家賊煽風點火，仲有一部分人敵我不分，刀刃向內以至於「親者痛，仇者快」。誰是誰非，一目了然，港民應用心辨忠奸，莫做無腦豬頭炳。
「僧是愚氓尤可訓，妖為鬼蜮必成災」。香港今日嘅亂象，毀民生、壞教育，唔單止增加咗社會治安嘅維護成本，更阻礙咗社會嘅良性發展，必將釀成今後嘅苦果，而最大嘅受害者則係香港民眾。我相信睇到7月1日遊行為首暴民嘅惡行之後已經有唔少民眾開始清醒，所以7月7日嘅遊行只有約5萬人參與，我唯願更多港民快擘大眼睇清楚，還香港一個清朗和平嘅天空。