仲有冇好啲嘅下聯……

仲有冇好啲嘅下聯……
聖誕節，天陰陰，好似想落雪。冇乜地方去，咁啱有個朋友喺廣州返嚟，唔知佢出乜術，咁都畀佢帶到喺文昌路廣州酒家對面嗰幾間專賣店買嘅大良崩砂同雞仔餅，仲有啲南乳花生肉入關。好嘢大家有份，拿拿罧叫埋幾條友，沖番壺靚茶，扮下斯文，學人哋對對……
一、「床前明月光」，大細超對：「李白好好瞓」……
二、「三個臭皮匠」，下一句后竟然係：「臭味都一樣」……
三、陶淵明講嘅「不為五斗米折腰」，呢個傻張好嘢：「畀我六斗就可以」……
四、「窮則獨善其身」，豆皮黃就話，我都惗咗好耐：「富則妻妾成群」……
五、「西塞山前白鷺飛」，師爺炳即刻對：「東村河邊烏龜爬」……
六、「天若有情天亦老」，呢句就言為心聲喇：「人若有情死得早」……
七、「葡萄美酒夜光杯」，唔使問阿貴，梗係：「金錢美女一大堆」……
八、「想當年，金戈鐵馬」，得得哋講：「看今朝，死纏爛打」……
九、呢句精品喇！「洛陽親友如相問」，奸人堅：問我借錢？「千祈唔好講佢知」……
十、「兩情若是長久時」，麻甩輝話，咁就苦喇：「咪要搵錢拉天窗」？……
十一、「書到用時方恨少」，咁就真過真情喇：「錢到月底唔夠使」……
十二、「清水出芙蓉」，有人話：「亂世出英雄」……
十三、「問君能有幾多愁」，醉貓話：「好似一壺二鍋頭」。……
十四、這句絕喇！「日照香爐生紫煙，李白來到洗手間，小李飛刀一瞬間，李白變成小太監。」……
就咁噏咗幾句，都飲咗半斤烏龍，十斤花雕……

十斤花雕都未醉，仲識得吟詩作家對，好酒量

條友噉勇,帶噉多野闖關.......

點解唔帶只臘鴨,再帶包皇上皇臘腸,放在飯面焗....嘩!!!!!!!!!

流曬口水

噏幾句都噏得咁精彩，好嘢！