詞語新解

詞語新解
「無語」
就係法官問：你點解要印假鈔?  嗰個犯講：我唔識得印真嘅噃。
「絕望」
就係去茶樓食飯嗰陣點咗兩個餸，食第一個：「嘩！乜呢個世界仲有冇難食過佢嘅嘢呢？！」 食到第二個：「屌！原來真係有! 」
「白領」
今日出咗糧，還咗貸款，交咗房租、水電煤氣費，買咗油、米同埋公仔麵，摸下個袋，計下剩番啲錢，直頭係旗杆火燭--長嘆（炭）：呢個月嘅人工又白領啦。
提前祝啲白領兄弟聖誕節快樂。
「藍領」
開工嗰陣個工頭講，就嚟快到出糧喇，計一計自己嘅住宿費，伙食費，誤工費，醫藥費，夾夾埋埋仲差老闆百幾二百，咁就懶得去領啦：呢樣咪叫懶（藍）領啰。
提前祝啲藍領兄弟聖誕節快樂！

喂,老細,我係藍領黎架,點解呢個聖誕節無假放嘅?

就算懶（藍）領都要食飯架，最畀係唔單止唔識印真鈔，連假鈔都唔識，點過聖誕啊。

嘩，樓上兩位大佬，我都係得個講字啫，千祈咪當真呀！
之不過話時話，冇假放即係有工開，有工開即係有糧出，白領又好，懶領又好，都係有錢落袋啫！點都好過失業金欏到盡都仲未搵到嘢做啩！依家又話冇得延期，搞到班兄弟都成殼眼淚唔知點算好！聽講話寫下帖都有五毫紙欏，唔知真唔真？又唔知係畀人仔定係畀美金？最好就通殺啦！如果呢啲係流料，咁就要等上帝打尻你啦！陰工！！依家呢個年頭，千祈咪既得隴，復望蜀，飛機上邊燒炮仗！！！