被平機會「啪啪」打面嘅林卓廷純屬咎由自取

立法會審議基本工程儲備基金期間，議員林卓廷詰問警務處總警司李雅麗有冇因為「放蛇」需要而受指派去賣淫嘅經歷。10日，平機會認定林卓廷「帶歧視或性騷擾」，要求後者今後儘量避免使用。總之，林卓廷終極折殺嘅仲係佢自己。
作為總警司，李雅麗將警署報案室隔音設備上提，此屬職責議項，亦係非常嚴肅嘅話題。不曾想，作為議員嘅林卓廷，竟然岔開主題，直指非法賣淫罪行嘅「放蛇」問題，儘管兩者之間關聯性全無。但聯想林卓廷一貫嘅抗衡港警、港府立場，因而喺6日立法會財務委員會審議期間，某人突然另闢蹊徑，拋出毫不相干嘅話題，並對李雅麗展開侮辱性詰問，就係自然而然、一氣呵成。雖然佢之後百般狡辯，稱平機會「扭曲其發言原意」，但其惡毒初衷自始一目了然！
6日，林卓廷詰問侮辱性話題，有悖於職業操守、做人底線。有鑒於喺反送中期間，林某人有被普通市民痛揙嘅淒慘過往，旁觀者有理由認為，其人詰問李雅麗就係假公濟私、借機洩憤。但係，作為議員，其所服務嘅應當係普羅大眾和社會公益，倘若一而再、再而三咁執迷不悟，沉浸喺黑衣暴徒幫兇嘅角色之中，樂陶陶而不能自拔，以公職身份而行偏狹報復之事，其後路註定係掘頭路行唔通，所以平機會勸誡其「作為民意代表能以身作則」，確實係良藥苦口。
平機會，自成立以嚟，就喺香港市民中廣有信譽和威名，儘管該組織並無殺伐決斷嘅權柄。同時，平機會喺評述林卓廷之時，「指出有關言論祇會令對方感到尷尬、受冒犯、甚至侮辱」、「確保喺互相尊重嘅方式下進行」，可謂用詞和緩，諄諄告誡。但係不識趣、不知進退嘅林卓廷竟大放厥詞，對謙謙君子嘅平機會反咬一啖，指責後者定義自身對李雅麗有性別歧視，係出於政治考量。此舉純屬敗筆徒勞，費力不討好，結果祇能係自我折損。
10日，平機會對林卓廷性別言行「表示遺憾」，此舉唔單止係對女性尊嚴嘅維護，亦係對港警聲譽嘅捍衛。林卓廷惱羞成怒，竟指責平機會持論不公，「雙重標準」，顯然係將自己置於全體香港市民嘅對立面，不知檢點、無視民眾利益，孤身犯險嘅結局定必孤苦無依。