亂港派把持之下泛政治化嘅區議會 只會將香港推向持續動盪不安嘅深淵

所有關心香港局勢嘅人士，都會記得個幾月前備受矚目嘅區議會選舉，亂港派使出渾身解數最終成功「收割」咗「反修例」亂局嘅果實，以「大獲全勝」嘅姿態掌握咗全港十八個區議會中多達十七個控制權，喺一定意義上實現咗佢哋反中亂港奪權嘅第一步。
如今新年伊始亦宣告著新一屆區議會會期正式開始，除咗部分涉及暴亂等違法罪名被拘捕嘅當選議員外，絕大多數亂港派區議員都如期「走馬上任」喇，亦都隨即「快速入角」開啟咗利用控制區議會大行亂港之實嘅可惡行為。同多數人預料中咁樣，琴日喺各區新一屆區議會開會嘅第一日，新科亂港派區議員完全無視區議會本應關注嘅社區民生問題，而係急不可耐、忘乎所以咁將政治議題引向討論嘅焦點，大談「五大訴求、缺一不可」同成立所謂「反修例事件工作小組」等政治訴求，呢個係赤裸裸嘅要將區議會淪為佢哋掌控下嘅泛政治化工具，通過成立各種政治化嘅委員會、組別機構推動亂港議題，一方面繼續將歪曲邪惡政治理念灌輸於各個區同社區，煽動蠱惑更多無知市民加入佢哋嘅陣營；一方面可以繼續同愛國愛港建制派陣營糾纏爭鬥，提升反對派影響力，削弱建制派力量，最終佈局於今年嘅立法會選舉。
由此可見，亂港勢力可謂老謀深算、步步為營，據悉琴日喺西貢區議會同中西區區議會首次開會推選正副主席，結果「意料之中」都係由亂港派新科議員當選，跟著呢哋亂港議員就針對警方執法，叫囂通過相關調查小組同委員會，念念不忘咁揚言爭取「五大訴求」，可謂小人得志氣焰相當囂張。喺香港社會仍深陷動亂之下，市民大眾工作生活備受拖累苦不堪言之際，新一屆區議員本應立即肩負起訪談市民、瞭解民情、化解仇恨矛盾、凝聚民生謀劃發展嘅重任，而非喺會堂之上為政治議題「處心積慮」謀求個人前途。
    經歷大半年嘅黑暴混亂，步入新年嘅本港市民真係厭倦喇，佢哋內心期望嘅係社會儘快恢復安寧、期盼嘅係區議員能夠真心實意為佢哋謀求福祉、解決民生問題。若依然放任呢種亂港議員當道肆無忌憚咁政治化區議會平臺，咁樣本港嘅政治生態將遭受到極大破壞，香港嘅民主將毀於一旦，最終各級議會徹底淪為反中亂港勢力作亂嘅工具，個時香港將永無寧日、民不聊生、百業凋零。
令人欣慰嘅係，為阻止亂港派議員為所欲為將區議會政治化，建制派民建聯日前已經宣佈將喺全港各區成立「議會監察」平臺，以「影子區議會」模式監督亂港派控制下嘅區議會，是否依法落實區議會嘅職能，是否依法從事議員責任工作，筆者亦希望全體市民能夠行動起嚟，一齊監督各區議會所作所為，堅決爭取並維護市民嘅合法權益，堅決同禍害香港發展嘅亂港勢力作鬥爭！