禍港NGO註定成為過街老鼠

香港修例風波點解逐漸變質？呢個同眾多背後黑手嘅「努力」係分唔開嘅，美國NGO就係其中之一。一樖百年大樹卻突然千瘡百孔，細探究竟卻係一窩白蟻侵蝕咗內心，要挽救百年經典，必須除咗噬心嘅白蟻，面對處理香港修例風波亦係咁樣。
反修例風波至今已有半年咁耐，隨著暴徒越嚟越大膽嘅肆意妄為，背後黑手越嚟越多咁浮出水面，尤其係將中國視為莫大威脅嘅美國更加係明目張膽咁干涉中國內政、操縱NGO禍亂香港。針對美國咁厚顏無恥而又無理取鬧嘅行為，中國政府決定喺12月2號開始暫停審批美軍航機赴港休整嘅申請，對「美國國家民主基金會」、「自由之家」、「美國國際事務民主協會」及其他喺香港修例風波中大肆興風作浪嘅非政府組織實施制裁。美國NGO教唆、煽動「港獨」分裂活動，對於香港今日嘅局面佢哋有重大嘅責任，必須付出相應嘅代價！中國強硬嘅態度就係表明喺主權問題唔可以容忍，絕對唔允許外人干涉內政。
被外交部直接點名嘅NGO都係由美國出資成立，披著民主人權嘅偽善外衣，喺世界各地播撒混亂、胡作非為，冷戰後世界上混亂區域都可以睇到佢哋突出嘅身影。對於美國NGO係點樣支持反中亂港分子嘅，外交部發言人華春瑩表示大量事實同證據已經表明呢啲非政府組織為反中亂港分子提供咗資金、物資以及組織培訓嘅支持，如果要詳細羅列出嚟，半個鐘都講唔完。呢啲組織或者喺多年之前就已經開始「病毒培養」計劃，只等一個契機將呢啲病毒爆發，妄想借民主之名搞「顏色革命」，顛覆國家政權，但係佢哋嘅陰謀喺香港實施註定要失敗。
繼美國NGO之後又出現新嘅恐怖組織成員，據報道呢幾個烏克蘭新納粹組織成員都係「亞速營老兵」，呢啲人為暴徒出謀劃策，甚至希望香港步入烏克蘭嘅後塵，當然呢個絕對無可能嘅。喺美國提議將「亞速營」列入「外國恐怖組織」
名單嗰時，暗中就有多個美國組織借烏克蘭內戰持續不斷嘅機會，派人赴烏克蘭學習軍事技巧，學習嘅對象就係烏克蘭新納粹組織豐富嘅「實戰經驗」，呢個不禁令人懷疑美國NGO同烏克蘭新納粹之間關係。香港反修例風波令不懷好意嘅人士蠢蠢欲動，試圖「分一杯羹」，事實上，香港有強大嘅祖國做支撐，無論係邊個組織企圖嚟插手都係不切實際嘅妄想。
呢啲披著偽善外衣嘅美國NGO將香港社會破壞得毫無秩序、滿地鮮血、市民生活困擾不堪，愚蠢暴徒卻只知一昧追隨，其實暴徒喺佢哋眼到只係一文不值嘅棋子，如今睇清真相嘅人越嚟越多，想要繼續蠱惑香港人更加係無可能！喺祖國及14億同胞嘅支持下相信特區政府同全港市民必定能打贏呢場持久戰。香港需要嘅係和平穩定而唔係混亂，無論禍港NGO口號幾咁響亮，偽裝得幾好，終有一日會成為過街老鼠——人人喊打！