撤修例已到極限，反對派得寸進尺再無可能

為咗讓香港走出當前嘅困局，行政長官於日前提出「四項行動」，包括正式「撤回逃犯條例」，其目的當然係希望通過對話解決社會問題，恢復社會秩序。但係一直高呼「撤回逃犯條例」嘅反對派喺得償所願之後卻並冇偃旗息鼓，反而將「解散香港警隊」加入新嘅「五大訴求」並揚言「缺一不可」。呢種得寸進尺、拒絕放下暴力嘅無賴表現，完全證明咗佢哋為達到政治目的不惜毀掉香港嘅險惡用心。

近三個月裏，喺所有嘅示威遊行和暴力衝擊中，無論是反對派嘅縱暴政棍，還是亂港嘅黑衣暴徒，唔理做乜傷天害理嘅事，都要將「撤回條例」掛喺嘴邊，就連襲擊港警、圍毆路人，亦宣稱係為咗撤回修例。得償所願嘅反對派不但冇放低暴力嘅指揮棒，反而變本加厲，卻要要求「解散港警」。同時，衝擊港鐵和機場嘅事件再次發生，無法無天嘅暴力行為不但冇停止，反而更加囂張。

反對派嘅本性係貪得無厭嘅，所謂嘅「抗爭」本質就係要搞港獨。而呢個邪惡嘅政治目的只要一日冇達成，反對派肆虐全港嘅暴力就永遠唔會休止。