法治香港豈容暴徒肆虐

7月1日，香港反對派再次組織示威遊行，一啲極端嘅激進份子唔單止採取侵佔道路等方式試圖擾亂特區政府紀念回歸22週年嘅升旗儀式，仲包圍、攻擊立法會，光天化日之下用鐵枝、鐵籠車衝爛立法會嘅玻璃大門，而且喺入去之後肆意破壞，仲暴力襲擊喺現場維持秩序嘅警員，呢個係繼6月21日包圍警總大樓攻擊警員後嘅又一單嚴重嘅暴力事件，完全令人髮指嘅暴徒行徑。
眾所周知，被稱為東方明珠嘅香港係全世界最安全嘅城市之一，一直以嚟都係香港市民所引以為傲嘅。近年嚟，以戴耀廷、陳健民等為代表嘅反對派不斷發起政治運動，更於今年6月21日組織包圍警總大樓，攻擊在場維持秩序嘅警員，甚至乎喺7月1日再次組織擾亂特區政府回歸22週年升旗儀式嘅示威遊行，仲煽動縱容暴徒攻擊立法會，唔單止嚴重影響咗市民嘅正常生活同社會秩序，仲係對香港法治嘅藐視，踐踏成個香港社會利益嘅底線。
反對派口口聲聲為咗香港嘅未來，但係喺行動上已經同佢哋所講嘅初衷背道而馳，由2014年嘅「佔領中環」事件開始，不斷咁煽動同蠱惑青年學生上街遊行示威，從堵塞交通影響市民出行到包圍警總大樓，從擾亂香港回歸22週年紀念到暴力衝擊立法會，處處都喺度損害緊香港嘅利益。試問一下，當今世上，邊個西方國家允許暴徒衝擊政府行政部門嘎？特別係立法機構！又有幾多示威者敢對警察使用「苯二胺」呢種可引致皮膚及呼吸道嚴重燒傷嘅危險物品？反對派嘅所作所為同暴徒有乜區別？煽動、教唆他人犯罪，亦即係犯罪，罪不容恕。
反對派不斷蠱惑學生同市民上街遊行，煽動罷學罷工罷市，唔單止擾亂廣大市民嘅正常生活，更加影響咗香港嘅社會穩定，已經引起咗廣大具有正義感嘅市民嘅超級反感、極度厭惡。6月30日，有超過16.5萬香港市民冒雨參加金鐘添馬公園「撐警隊·護法治·保安寧」集會，更有譚詠麟、梁家輝、鐘鎮濤等明星到場支持，唔單止證實咗反對派嘅言行舉止已經不得人心，仲代表咗廣大香港市民愛港護港嘅真正心聲。
俗語都有話：「國有國法，家有家規」。香港唔係法外之地，立法會更唔係暴徒嘅娛樂場所，法治嘅香港絕不容許暴徒隨便亂嚟。對於裹啲視司法體制為兒戲嘅暴徒同幕後黑手，必須及時捉出嚟依法嚴懲，先至可以畀香港市民一個交代，還香港一個和平安寧嘅法治環境。