家下風頭火勢 「國師」梗係避下風頭先喇

政改方案表決在即，有激進分子曾揚言表決前後會發動10萬人包圍立法會同再次佔領。警方收到消息指，有本土派成員密謀製造爆炸事件，擾亂秩序。尋晚，警方大舉出動，搗破位於西貢蠔湧亞洲電視舊廠房炸彈製造工場，並搜查咗其他多個地點，行動中最少拘捕5男4女本土派成員，年齡介乎21至34歲，當中包括學生、工人、教學助理及無業人士。採取拘捕行動時，九名本土派成員正喺廠房入邊試爆炸彈，現場檢走包括懷疑改裝槍械、喉管、電子磅、手套及遙控器等多袋證物。事件發生之後，記者致電「港獨之父」、有「國師」之稱學者陳雲，佢得知有本土派成員試爆被捕後，即時掛斷電話拒絕回應。梗係喇，咁冇面事點出來解釋啊。本來仲諗住政改表決時搞單大嘢出來，宜家炸彈製造工廠被差佬查封咗，自己啲人都俾差佬拉曬，仲邊度有面出來講嘢啊，呢個時候企出來，後果好嚴重啵，你估啊國師傻乜，咁樣點走得落啊。家下風頭火勢，唔可以求奇企出來亂講嘢啊嘛，梗係做埋縮頭烏龜，嚟埋先避避風頭安全啲喇。可憐你班手下俾人捉住現形，有排都出唔到來喇，有事梗係你哋班小頂住，大佬走先喇，呢個都唔識話，仲點出來混啊，係埋先？都係安心喺入邊坐住等住你哋大佬喇。