有邊位老鄉識得蒸「蘿蔔糕」?

移家出面超市賣D「蘿蔔糕」凈系食倒麵粉味食唔倒蘿蔔味，點解？唔系因為羅卜貴，
羅卜賣八毫子一磅，麵粉又系八毫子一磅，我估計系要刨羅卜功夫多，移家人工貴，
唔化算！



」蒸「蘿蔔糕」我以為蘿蔔同麵粉既比例好緊要！

有邊位大師傅指點一下！

我一般都系5比1.五斤蘿蔔一斤粉.

蒸蘿蔔糕
材料:白蘿蔔、粘米粉、臘肉、臘腸、江瑤柱、冬菇、蔥、芫荽、胡椒粉、鹽、糖。(一斤粘米粉蒸4斤蘿蔔)
做法：1、把蘿蔔去皮，用刨把蘿蔔刨成絲。
      2、把臘肉、臘腸、冬菇切成粒，蔥、芫荽切花。
      3、起鍋把臘肉、臘腸、江瑤柱（一半）、冬菇爆炒香后鏟起備用。
      4、把蘿蔔絲放下煮10分鐘，再把已炒好的臘肉等材料放蘿內，加鹽、糖、胡椒粉，再煮5分鐘后關火。
      5、把粘米粉倒在一容器內，加水調成糊狀后和煮好的蘿蔔料一起撈勻。
      6、在糕盤內放些許生油，然後把調好的蘿蔔料放糕盤內再把剩下的江瑤柱放在蘿面上（為了好看放了引些芫荽和杞子做裝飾）。
      7、用一鐵鍋加水，水開放把裝蘿蔔的盤放鍋內隔水蒸50分鐘即

回復 格物便是致知 3樓 的帖子

謝謝！好詳細

回復 孤舟獨釣 2樓 的帖子

我估出面賣既大概1比1甘上下

以前都係一斤粘米粉五斤以上嘅蘿蔔，先有蘿蔔糕嘅味道。

回復 世外閑人 6樓 的帖子

以前每逢年三十晚母親都會蒸」幾底「，隔幾間房都聞倒臘腸同羅卜既香味。

回復 Djogchen 7樓 的帖子

我地都係，仲要整油角、蛋散，廣東人嘅習慣，唔知有乜寓意。

我凈係識食啫......

回復 坐看雲起時 9樓 的帖子

又多左個食家！呵呵！

現在之新種蘿白沒有五十年前中國廣東之濃厚蘿白味。
現在之蘿白是用化肥，速成，多水而矣。
從前之籮白要幾個月才成長，現在新種兩個月收成---幾磅重，肥夾大，多水，無味。好睇唔好食。

回復 來美六十年 11樓 的帖子

唔怪之得啦！

世外閑人  兄弟，凈係識食唔得啊，自己動手，豐衣足食！
-------------------------------------------------------
依家時興學孔子。子曰:君子遠庖廚。又曰:君子動口不動手。
冇計嘞，我都係響應號召啫。

食蘿卜糕一定要有辣椒醬先至和味家。

回復 兩廣總督 14樓 的帖子

我每次都落辣椒醬同埋海鮮醬！

我老豆蒸暨蘿蔔糕一流，可惜依家佢人響廣州.........咳.........

回復 打狗棒 16樓 的帖子

我年三十晚蒸左幾底，用足材料，都食唔倒羅卜味，可能真系羅卜既種植問題所在！