|
|
閱讀了Lianayong<<童年回憶>>日誌,大家相互追憶童年趣事,提議能否將孩提時啷啷上口的兒歌重寫出來,都幾十年了,誰的記憶力那麼好,有點難度,真考人呢!
把"廣東童謠"擺上網路搜索;得來又全不費功夫,現轉錄部份如下:
廣東童謠小唱 :
點蟲蟲
點蟲蟲，蟲蟲飛，飛到荔枝基。荔枝熟，無埞僕，撲落阿仔個鼻哥窿。
氹氹轉
氹氹轉，菊花圓，炒米餅，糯米團。啊媽叫我睇龍船，我唔去睇，睇鷄仔。鷄仔大，捉去賣。賣得幾多錢？賣得三百六十錢。
搖籃曲
噯姑乖。噯大姑仔嫁後街。後街有啲乜嘢買？有啲鮮魚鮮肉買。鮮花戴，戴唔曬，丟落牀頭畀個老鼠拉，一拉拉去隔條街。隔街有啲乜嘢買，有啲鮮魚鮮肉買，鮮花戴，戴唔戴……
路好行
行，行，行，行到街邊拾個橙。橙好食，路好行。
鷄公仔
鷄公仔，尾高高養兒養女唔好咁心粗。唔好心肝唔好，就唔記得父母嘅功勞。
拍大髀
拍大髀，唱齣歌，人人話我冇老婆，嘀（扚）起心肝娶番個，有錢娶個嬌嬌女，冇錢娶個豆皮婆。豆皮婆，食飯食得多，屙屎屙兩籮，屙尿沖大海，屙屁打銅鑼。
排排坐
排排坐，食果果。豬拉柴，狗燒火。貓兒擔凳姑婆坐，坐爛屎窟咪賴我。
黐塘蟲尾（蜻蜓）
黐塘蟲尾，塘蟲尾飛，飛到菜田基。田基有條蛇，唬嚫你兩仔爺。
丫蟬喊
丫蟬喊，荔枝熟，阿婆喊，買豬肉，大人喊，畀滾水淥，細蚊仔喊，畀米昇焗。
賣懶
賣懶，賣懶，賣到年卅晚，人懶我唔懶。
白欖仔，暗暗香
白欖仔，暗暗香，大哥買歸阿嫂嘗。阿嫂唔嘗，畀過細姑娘。姑娘得食隨街唱，果然大嫂錫姑娘。
落雨大
落雨大，水浸街。阿哥擔柴上街賣，阿嫂教我做花鞋。花鞋花襪花腰帶，一串珍珠兩邊排。有錢打對鈴啉鼓，冇錢打個石榴牌。
落雨大
落雨大，去睇燈，唔見花鞋共手巾，邊個執到畀番我，買盒細茶謝你恩。果條手巾唔打緊，果對花鞋值萬銀。鞋頭種得三竿竹，鞋尾種得一籮薑，中間起得一層樓。
鷄公仔，尾彎彎
鷄公仔，尾彎彎，做人新婦甚艱難。早早起身都話晏，眼淚唔乾入下間。下間有個冬瓜仔，問過安人煮定蒸。安人話煮，老爺又話蒸，蒸蒸煮煮唔鍾意。大喳嚹鹽佢話淡，手甲挑鹽又話鹹。三朝打爛三條夾木棍，重話：咁好花裙畀妳跪到爛，咁好石頭畀妳跪到崩。橫又難，直又難，不如捨命落隂間。人話隂間條路好，我話隂間條路好艱難。
猜呈沉
呈沉剪，呈沉包，呈沉糯米扠燒包；老鼠唔食香口膠，要食豆沙包。
捉大賊
點兵兵，點賊賊；點著邊個做大兵，點著邊個做大賊。
踩腳趾
咚啄，酸薑，你阿嫲，纏腳娘。
撈魚仔
花手巾，真引人，基邊撈魚好過癮；一兜一條好手運，千祈唔好撈著扮。
飛石仔
勾鼻佬，正死仔，一入廣東亂咁嚟，殺人放火以為威。點不知，有嘢睇，遇著陳棠就飛石仔，打到佢爬喺地下要食泥。
蘿蔔頭
蘿蔔頭，點豉油，點得多，鹹過頭，點得少，淡謀謀。佢以為，好正斗，點不知，畀人踢羅柚，一踢踢到西門口。
賣白欖
沙欖噃，茶窖貨。一分錢，買兩個。唔好食，咪逗貨！食落爽甜冇渣噃，食過好食呢
——再嚟就買過。沙欖，茶呀茶窖貨。
收買佬
爛銅爛鐵，收買爛銅爛鐵。爛銻罉、爛銅煲、銻煲，爛爛都買。有乜玻璃樽就嘅藥水樽，有乜銅仙鎳幣，書紙報紙舊嘅新聞紙，有就趁貴拎嚟賣嘞……
落雨大：
落雨大，水浸街，阿哥擔柴上街賣，阿嫂出街著花鞋，花鞋花襪花腰帶，珍珠蝴蝶兩邊排。
月光光： 月光光，照地堂；年三晚，吃賓榔，檳榔香，摘紫薑，紫薑辣，買茶辣，茶辣苦，買豬股，豬股肥，買牛皮，牛皮厚，買蓮藕，蓮藕長，買農場，農場好。。。。大家好！！！！！
咬蔗須：
咬蔗須，要睇毛，短毛輸，長毛贏，無毛吾算數。
以上只是拋磚引玉,請廣東老鄉指正。Lianayong朋友,剩底你來玩啦!
|
|
狗仔卡
提升卡
置頂卡
沉默卡
喧囂卡
變色卡
搶沙發
樓主
。。
