王六醫生醫病尾

好多人朝早瞓醒，都會發覺自已有落枕嘅現象發生，尤其係冬天，落枕嘅現象更加多夾嚴重，嗰種辛苦法，都唔知點講至啱，
以前有咗落枕，無非得幾種辦法：一就係自己搵張撒隆巴斯，又或者脫苦海、骨通、七零一黐上去，一係去睇西醫打針，一係去睇中醫針炙。不過凈係咁黐膠布基本上係自己呃自己，喺美國要睇西醫起碼都要預約幾日後，輪到你睇嗰陣都痛到阿媽差唔多唔認得，畀中醫針炙又唔係個個都咁專科。總之，落枕唔係大病，不過痛起嚟就幾攞命。
開講都有話，王六醫生醫病尾，久病成名醫。有個高人指點咗幾句，我試過都幾靈，橫竪有益冇害，唔使打針又唔使食葯，大家又鄉俚鬼鬼，咁咪唔收專利費啰！
高人話，如果你落枕，就瞓番喺張床度，將你只腳抬高，揸住只腳趾公（唔係揸住只中指），慢慢咁按順時針或者逆時針嘅方向按摩旋轉，咁你嘅落枕即使唔好得曬都有八九成，再用毛巾暖水袋熱敷加黐膠布，包你舒服曬。不過，如果你覺得只腳趾公啲肌肉仲係繃到好緊，按摩旋轉都冇辦法放鬆，咁你可能大件事，唔止落枕咁簡單，你想慳番唔睇醫生都唔得嘞。
記得左腳管左邊，右腳管右邊。有事冇事都經常按摩旋轉只腳趾公，會直接或者間接咁放鬆疏緩你條頸嘅肌肉，有助於預防對你條頸嘅傷害。尤其係你哋成日坐在電腦前邊辦公打機，更加要經常咁按摩旋轉你只腳趾公！祝各位鄉俚健康！
高人又話，左腳抽筋嗰陣高高咁舉起右手，右腳抽筋嗰陣高高咁舉起左手（企又得、坐又得），包你舒服曬。
高人仲話，如果左腳庳咗，用力甩你嘅右手掌，如果右腳庳咗，咁就用力甩你嘅左手掌。包你舒服曬。

老鄉，我真是「孤陋寡聞」了！「落枕」，系唔系即是「瞓嚟頸」??:

多謝嗮，以前有個朋友都係「瞓嚟頸」，幾日都唔好，正準備帶佢睇醫生，結果有個細路搞古，係後面突然嚇佢一跳，咁就好番嗮，連一個崩都唔使用。

另有一說:

行運醫生醫病尾

記得以前有個柬埔寨賓努親王,條頸好似成日瞓嚟頸

回復 世外閑人 3樓 的帖子

「Djogchen  第時如果你有話比我聽，我會知道點樣做！呵呵！」  發表於 昨天 02:03


所以話行運醫生醫病尾。

唔系話幸運醫生醫病尾嘅咪？