幾個粵語小典故

今天和大家分享幾個粵語的典故：放飛機，巴閉，混吉：


「放飛機」的由來
何為放飛機呢？話說舊底香港。有一日，就要上演飛機飛行。係香港有史以來第一次有飛
機睇！仲要係部水上飛機添！全香港萬眾期待：有人要放飛機啦，快D嚟睇啊！第一日到來，
因為打風，冇得開，眾人失望而歸；第二日，天朗氣清，各人以為有嘢睇，點知個遇著個
飛機師病咗，要推到第三日。而第三日呢，又到部飛機個引擎出事，修理唔到。跟住就係咁
——bye bye喇！所以啲人就用放飛機嚟形容講咗去做，又唔做嘅人嘅行為嘞！
.
「巴閉」的由來
「巴閉」來自廣洲話，好耐好耐以前系學習自印度話，漢朝既時候廣洲已經同東南亞及
中東等國家人民做生意，D 印度商人好鬼嘈，成日叫：「BAP RE, BAP RE！」，呢句嘅
意思係「我的天呀！」，於是廣洲人就學佢地咁講，講下講下就變成今日嘅「巴閉」喇！

「混吉」的由來
原來系因為以前既小型飯店，只要你去幫襯就會免費奉送一碗清湯，飯店每日所售嘅雞
鴨鵝豬牛肉，都係用呢一鍋水整熟既，所以湯入面有肉味，然後落一堆味精，就系一碗
清湯啦！因為系清湯，所以入面當然乜料都冇啦，即系空空如也，香港人覺得「空」等於
「凶」，唔好聽，咁就改成「吉」，所以碗湯就叫做「吉水」。
當時，有好多窮人，入到飯店，一坐低，伙記就摞一碗「吉水」嚟，D 窮人一口氣飲完，
靜雞雞就走左去，因為呢碗湯系免費，所以飯店唔可以捉佢，故此伙記就叫呢種混騙
嘅行為叫做「混吉」！

所以移家D鋪頭學精左，貼上大字「凈飲雙計」

可能系D印度人食得加哩雞多所以甘燥熱，成日系度BI li ba la。

「放飛機」移家呢句話系香港大多數都比「歡樂場所」佔用了

一向跟帖唔發嘅靚女終於忍唔住啦..........巴巴閉閉.....

強烈要求群主發個"精華牌坊"比佢!

真係好野，還記得噤多。
舊時香港 「吉屋出租」，或「吉房出租」，亦同此意。
叫「豬潤」而不叫「豬肝(乾)''
叫 ''通勝'' 而不叫 ''通書(輸)''.

坐看雲起時 發表於 2011-2-10 00:43

兔年吉祥！

Djogchen 發表於 2011-2-10 06:22
所以移家D鋪頭學精左，貼上大字「凈飲雙計」

    杜絕「混吉」。

回復 Djogchen 4樓 的帖子

聽講印度人食齋為主，不過咖喱味實在太重，成日Bi li ba la 就唔出奇啦。

回復 Djogchen 5樓 的帖子

唔通老兄比人放過飛機？

格物便是致知 發表於 2011-2-10 12:12
一向跟帖唔發嘅靚女終於忍唔住啦..........巴巴閉閉.....

強烈要求群主發個"精華牌坊"比佢!

鄉里，做咩係度起鬨。

回復 世外閑人 樓 的帖子

因為係度混吉啰........

來美六十年 發表於 2011-2-10 12:54
真係好野，還記得噤多。
舊時香港 「吉屋出租」，或「吉房出租」，亦同此意。
叫「豬潤」而不叫「豬肝(乾 ...

係啊，廣東人有好多忌諱，「絲瓜」南海話發「輸瓜」，改稱為「勝瓜」。現代已經好少咁嘅避忌勒。

回復 世外閑人 14樓 的帖子

台山老華僑現在還迷信﹕
「讀書」叫「謨聖（勝)」
「苦瓜」叫「良瓜」。等，不勝枚舉。

回復 世外閑人 樓 的帖子

呵呵......來呢個網站玩佐個幾兩個月,覺得欠缺人氣,就係由於太少好似你呢D巴巴閉閉D靚女係度發音呀.....多D出聲啦!

哈哈 學習了。

來美六十年 發表於 2011-2-11 00:35
回復 世外閑人 14樓 的帖子

台山老華僑現在還迷信﹕

係啊，前輩比我地知道得更多，多謝補充。