諧趣廣東話

睇到幾個趣致嘅廣東話大家分享一下先


諧趣粵語

諧趣一：

知唔知男人有幾多種叫法？其實我自己都唔知，因為多到數唔清，下面就列舉幾個：

最正路就係叫男人

社交稱呼都叫先生

死咗老婆嘅叫寡佬

中意呃女仔嘅叫金魚佬

下流猥瑣嘅叫咸濕佬、麻甩佬

鄉下嚟嘅叫鄉下佬

國際友人叫鬼佬

有啲女仔氣嘅叫乸型

唔中意女人而中意男人嘅叫基佬

條件好嘅叫鑽石王老五

冇女朋友嘅光棍（喺BBS叫光光)



諧趣二（IIA級）：

其實粵語用嚟鬧人嘅非粗口都有幾多詞咖，下面摘錄咗一少部分，不過你哋千其唔好亂咁用哩啲詞鬧人啊。

「茂里」——指傻傻地嘅人。

「木嘴」——同「茂里」其實差唔多意思，都係指一個人傻傻獃獃，不過木嘴側重於形容一個人嘅外表，而茂里側重於形容一個人的內在。

「粉腸」——「粉腸」係當你睇唔順一個人時用嚟形容佢嘅，意思都係話佢唔叻得去邊。

「頂你個肺」——處於粗口嘅邊界，意思同某一個粗口詞差唔多，不過語氣較輕。

「廢柴」——形容一個人係廢物。

「碌葛」——形容人好似粉葛一樣呆笨。

「水魚」——俾人搵笨嘅人。

「懵盛盛」、「昂居」——蒙查查

「賣剩蔗」、「蘿底橙」——大姑娘30幾歲都仲未有如意郎君，咁就叫賣剩蔗、蘿底橙喇。

「收皮」、「收爹」——都有叫人走開，滾開嘅意思。

「孤寒」——吝嗇,縮骨。

「拾下拾下」——「傻下傻下」，傻傻地。

「洗衫板」——唔使問都知道係形容身材差嘅女士啦。

「死蠢」——相信係人都知道係好唔耐煩咁鬧人地蠢啦。

「瘦骨仙」——形容人瘦骨嶙峋。

「騎咧」——形容古靈精怪嘅人。

「Call Lao Ye」——我都唔知哩幾個字點打，不過哩個詞大家都應該聽得唔少，係「豈有此理」嘅意思。

教住咁多先算嘞，費事你哋學壞。



諧趣三：

歇後語欣賞

雞食放光草——心知肚明

山草藥——噏得就噏

繡花袋仔——人人啱

屎坑關刀——文（聞）唔得，武唔得

天堂尿壺——全神貫注

神台貓屎——神憎鬼厭



諧趣四：

表示「行、走」有幾種講法？

松：「松人」，走得開心，走得願意

撇：單用，一個「撇」字就可以表示「我走了」嘅意思，《大話西遊》裡面就係用哩個「撇」字表現唐僧講嘢嘅簡短。

勐：我唔知哩個字嘅標準寫法係唔係咁樣，不過哩個字其實同個「撇」字完全一樣意思。

閃：如果自己話「閃開」，就有「逃走」嘅意思，如果人地叫你「閃開」，就有趕你走嘅意思。

糴：跑，見《半斤八兩》歌詞賞析

回復 世外閑人 1樓 的帖子

高人，請教下，「烏卒卒」系邊首廣東兒歌的歌詞

回復 烏卒卒 2樓 的帖子

港產兒歌《烏卒卒》,內地唔多人識架

烏卒卒
好似好似一隻黑蟋蟀
烏卒卒
隨時施法術
人人也叫她烏卒卒
一齊烏龍把戲都駛出
烏卒卒
將哭聲變做旋律
胡塗咒語念罷
烏龍她稱罷
Bili Bili Ba
口水多說話
Gila Gila Ja
叫 Tea 叫做茶
鬼佬都怕她
Ha...
多夢話
Liza Liza講錯左Pizza
烏卒卒 檬渣渣
將英文變做傻話

我哋都喺山草藥——噏得就噏..........哈哈

回復 烏卒卒 2樓 的帖子

格物便是致知已經比咗歌詞啦，首歌係鄭國江填詞，顧家輝作曲，香港樂壇猛人嚟嘅。

回復 格物便是致知 4樓 的帖子

大家吹下水啫，唔係咁，個群組又排係拉尾啰。

回復 世外閑人 6樓 的帖子

問題喺群組D老細都喺神龍見首不見尾.......

剩返幾條騎呢啡喺度頂檔........

回復 格物便是致知 7樓 的帖子

係啰，D老細好少蒲頭喔  

回復 世外閑人 8樓 的帖子

頂硬上啦

回復 格物便是致知 9樓 的帖子

回復 格物便是致知 3樓 的帖子

厲害厲害！多謝曬

回復 世外閑人 5樓 的帖子

哈哈，都系高人，多謝曬

加D鹽加D醋啦！！

潑婦鬧老公叫_______死佬
街市賣菜叫--------街市佬
賣豬肉既叫-------豬肉佬
北方黎既男人叫------外江佬
戴眼鏡D男人叫-------四眼佬
帶人游花園既叫-------劉姥佬
無頭髮既叫======光頭佬
做裁縫既叫--------裁縫佬
上海黎既叫--------上海佬(不過好似未聽見過北京佬)
拉黃包車D男人叫-------車仔佬
收租既叫-------------收租佬
參軍既叫---------軍佬
理髮既叫-------飛發佬
賣魚既叫-------賣魚佬
喳巴士既叫-------巴士佬
喳的士既叫--------的士佬
系殯儀館念經既叫---------喃磨佬
吹喇叭既叫---------D打佬

回復 Djogchen 13樓 的帖子

你老婆叫你做死佬咩..........?????

回復 格物便是致知 14樓 的帖子


你梗系聽慣左勒！

回復 Djogchen 15樓 的帖子

喺啦,聽到耳順啦

回復 Djogchen 13樓 的帖子

好好，阿頭一加就咁多，仲有除咗廣東人以外都係北方佬。

回復 烏卒卒 12樓 的帖子

唔使客氣

回復 世外閑人 6樓 的帖子

閑人心不閑，入唔入到10大，靠你地咯

回復 Djogchen 13樓 的帖子

炒多幾碟啦