泛民堅硬反對政改意義何在 香港未來點發展？

距離政改表決只剩個把星期，港府政改三人組同泛民議員、學者等密集見面討論，希望喺最後關頭可以遊說距哋支援政改方案通過。不過好似冇乜改變，民主黨主席劉慧卿、醫學界立法會議員梁家騮、公民黨黨魁梁家傑等都明確表示，唔會撐港府嘅政改方案，認為港府冇辦法說服喺現有嘅政改方案下可以有真普選，就算政改方案通過咗，都只會令到香港社會撕裂，以後只會產生更多嘅社會問題。
咁樣睇來，6.17政改方案立法會表決肯定有排討論，基本上就冇乜希望過度嘅喇。但系過唔到之後咧，大家又有冇惗過啊？舊年嘅佔中已經搞到大家好攰，唔通今年仲要繼續乜，咁落去香港仲點發展。單從政改方案來睇，肯定好過之前，宜家大家擔心嘅，系政改方案過咗之後普選之路點行，系埋有真普選，相信好多泛民議員反對袋住先都系因為呢個，所以先至會捆綁否決方案。但查實又系埋完全冇彎轉咧？政改方案過唔到，可能仲慘過之前，港英時期幾時又有過普選啊，大家仲唔系過得好哋哋。
好多嘢都要慢慢來，中央政府同港府睇來都唔會讓步嘅喇，袋住先之後可能仲有彎轉。頂硬來可能就乜都冇喇，蝕底嘅都系我哋自己嗻。咁樣鬧落去始終都唔系辦法來嘅，只會加重香港社會嘅內耗，D立法會議員嘅精力都用喺同中央政府、港府鬧，仲點會俾到心思去關心社計民生啊，香港咁落去點得啊。一步一步行，袋住先之後，先可以繼續傾，繼續爭取前行啊嘛，有改變實好過冇嘅。