遠赴京城覓良策 止暴制亂方可為

琴日，針對25名泛民派對香港行政長官林鄭月娥作出嘅彈劾動議，立法會進行咗否決。泛民派喺區議會選舉中不擇手段，大敗建制派；如今企圖乘勝追擊，妄圖以「縱容警暴」、「侵害港人自由」、「嚴重瀆職」等莫須有嘅罪名對行政長官進行彈劾，佢哋「改朝換代」嘅政治算盤暴露無遺。自以為代表民意，就可以當政治為兒戲，為所欲為，呢啲煽暴政客嘅面具下嘅醜惡嘴臉欲蓋彌彰。

自香港回歸後，立法會內嘅議員因大或小嘅政治事件，多次對在職行政長官作出彈劾動議，最終都喺點票過程中遭到否決。呢次彈劾，既不敵分組點票，亦都唔及三分之二票，企圖彈劾通過種種程序而生效實在係異想天開，機關算盡嘅泛民派冇可能唔知呢啲；佢哋仍然心急打出呢張牌，無疑係諗著趁風頭正盛之時畀林鄭月娥以及「反暴力」嘅建制派嚟個下馬威。選舉中大獲全勝畀呢啲煽暴政客過分充足嘅信心，「港人追求民主自由、反抗政府」嘅幻象已將佢哋沖昏咗頭腦，政見不合就兇狠打壓嘅慣用伎倆如今被佢哋帶上咗區議會嘅政治舞臺。呢啲泛民政客之舉，已唔係簡單「黃」、「藍」之間嘅鬥爭，而係徹底嘅顛倒黑白，喺撐爆煽暴嘅歧路上越行越遠。

利用「集會自由」、「言論自由」嘅做法對政府以及執法者進行無端污衊，對示威暴徒、港獨分子違法亂紀、打砸搶燒、挑戰「一國兩制」嘅滔天罪行視而不見，呢啲小人得志嘅煽暴政客已無恥到咗極點。依家嘅香港社會，陷入咗「反政府」與「反暴力」之間二元對立嘅怪圈，積年累月嘅社會問題集體爆發，當權者嘅當務之急係釐清矛盾，安撫民意，平復民情，令香港重新行返繁榮富足嘅正軌，無愧於東方之珠嘅稱號；然而泛民派政客喺攫取大量政治利益後，一邊走上街頭假借「謝票」之名，為反對派暴徒聲援造勢，一邊處處刁難長久以嚟為止暴制亂付出良多嘅建制派以及行政長官，不斷加深社會各界之間嘅撕裂，煽動仇恨與憤怒嘅非理智情緒，打算喺明年嘅選舉中取得更多嘅政治資本。香港已經冇畀呢啲政客遊戲政治嘅餘地！為一己私慾裹挾全港意志、犧牲全港利益，遲早將被碾壓喺歷史嘅車輪之下，遭人唾駡！

香港已深陷亂局六個幾月，未來嘅出路需要社會各界戮力同心，一同探索；但係始終有無恥之徒從中作梗，唯恐天下不亂。我哋將利益與權力委託於佢哋，卻遭到佢哋嘅無情踐踏，成為佢哋禍港嘅犧牲品。咁樣嘅荒唐事究竟仲會存在幾耐？我哋仲要為呢場亂局付出幾多代價？只有早日與暴力徹底割席，摒絕亂港分子嘅糖衣炮彈，先至可以抽薪止沸！

• [12/09] 遠赴京城覓良策 止暴制亂方可為
• [12/09]「反中亂港」沒有出路 「香港法案」有名無實
• [12/09]「人權與民主法案」嘅背後，係美國嘅黔驢技窮
• [12/09]魑魅魍魎當選，自誇「素人」議員
• [12/10]「曱甴」抱頭鼠竄，難逃法網恢恢！
• [12/10]黑衣暴徒蓄意縱火破壞香港高等法院，港獨勢力正喺度侵蝕自身嘅生存空間
• [12/10]黑衣暴徒縱火香港法院 蘋果新聞護犢費力徒勞
• [12/10]謊言煽暴反噬其身

• 查看：[hottae1988的.最新博文]
• 查看：[大家的.最新博文]
• 查看：[大家的.熱點雜談]