香港人儂老茄啥末事老茄?!香港回歸十幾年來只不過每年增加了那麼一千來萬人次的遊客,阿拉上海二十年間常住人口從1000萬增加到2300萬,上海的地鐵軋進去會懷孕、軋出來會流產,上海人有哭過鬧過伐?
香港人儂老茄啥末事老茄?!總是抱怨旺角、銅鑼灣、沙田的商場變成了大陸人專場,阿拉上海歷史悠久的南京路、豫園商場、七浦路,老早就變成全國人民採購一條街,附近居民有抱怨過伐?
香港人儂老茄啥末事老茄?!抱怨粵語不被承認為官方語言,阿拉上海的小囡已經儕不會講上海話了,阿拉不管是打服務熱線還是出去消費,儕要講普通話了,阿拉上海阿婆出去問路也不敢講上海話了,阿拉有發過牢騷伐?
香港人儂老茄啥末事老茄?!看到小囡勒辣馬路上大小便又是拍照又是罵山門,勒辣上海阿拉就算看到新上海人抱牢小孩勒辣地鐵上出屙,也只不過捏牢鼻頭跑跑開算了,用得著大驚小怪伐?
香港人儂老茄啥末事老茄?!總是抱怨大陸人儕拿香港的樓盤買光了,阿拉上海一歇舊城改造、一歇大拆大建,上海人的石庫門老早就被拆得差勿多了,阿拉熟悉的學校、公園、醫院儕讓給新搬來的富豪同胞,阿拉寧可搬到么二角落的鄉下頭,阿拉有不開心伐?
香港人儂老茄啥末事老茄?!小人勿見脫了就指責是大陸口音的夫婦偷脫的,阿拉此地的刑事案件也交交關關,阿拉一接到勿二勿三的普通話電話就嚇勢勢,曉得騙子尋上門來了,雖然抓進去的沒幾個是講上海閑話的,但阿拉除了把背包背到胸前之外有半點不滿伐?
香港人儂老茄啥末事老茄?!總是說香港越來越不像香港了,阿拉的地鐵車廂里聞到的儕是大蒜的味道,阿拉的小籠饅頭已經變成小籠包了,阿拉有講過半句伐?
香港同胞,告訴儂啥個是「包容」,「包容」就是放下儂心裡的所謂對錯,放下儂心裡的所謂是非。假使儂指責我,儂就是歧視我。假使儂不歧視我,儂就必須像待爺娘一樣包容我。否則,我就硬裝斧頭柄,罵捺矯情,罵捺排外,誣告捺想鬧獨立。
香港人儂老茄啥末事老茄!